რუსეთის ფინანსთა მინისტრის მოადგილის ტატიანა ნესტერენკოს განცხადებით, თუ ქვეყანაში რადიკალური ეკონომიკური რეფორმები არ გატარდა, 2017 წლის ბოლოსთვის შესაძლოა ხელფასების გაცემა ვერ მოხერხდეს.

"თუ არაფერი შეიცვლება, მომავალი წლის ბოლოს ჩვენ არ გვექნება არც რეზერვები და არც საშუალება, რომ ხელფასები გავცეთ. ჩვენ სერიოზული ეკონომიკური პრობლემები გვექნება - საბიუჯეტო სფერო ჩვენი შიდა გამოწვევაა," - განაცხადა ნესტერენკომ.

მინისტრის მოადგილე ქვეყნის დღევანდელ მდგომარეობას "შტორმის ცენტრად" აფასებს.

"შტორმის ცენტრი ეს ისეთი მდგომარეობაა, როდესაც ყველაფერი თითქოს წყნარადაა, ყველაფერი წესრიგშია, მაგრამ ჩვენ შტორმის ცენტრში ვართ და დაღუპვა გარდაუვალია," - განაცხადა მან.

გასულ კვირას სააგენტო როიტერის განცხადებით, რუსეთის 2017 წლის ბიუჯეტის პროექტით, ქვეყნის ეკონომიკის ვრდნის შეჩერების მიზნით, გათვალისწინებულია ქვეყნის სავალუტო რეზერვის სრული დახარჯვა. ამავე მიზნით ივარაუდება ეროვნული კეთილდღეობის ფონდიდან 1,78 ტრილიონის გამოყოფა.