სირიაში, ქალაქ იდლიბში ამბოხებულების კონტროლირებად ტერიტორიაზე ერთ-ერთი ყველაზე დიდი სამშობიარო ჰოსპიტალი დაბომბეს.

ამის შესახებ „სქაი ნიუსი“ Save the Children-ზე დაყრდნობით იტყობინება. ორგანიზაციის ცნობით, შენობა მთლიანად განადგურებულია, არის მსხვერპლი, თუმცა მათი ზუსტი რაოდენობა უცნობია.

ორგანიზაციის ცნობით, დაზიანებულია საავამდყოფოს მიმდებარე ტერიტორიაზე არსებული შენობებიც.

ჯერჯერობით უცნობია, ვინ განახორციელა ავიერიში. გამოცემის თანახმად, იერიში სავარაუდოდ სირიის პრეზიდენტის ბაშარ ასადის ძალების ან მისი მოკავშირე რუსული ავიაციის მიერ განხორციელდა.

იდლიბის სამშობიაროში ყოველთვიულად საშუალოდ 700 ბავშვი იბადება.