ქრისტიანული სიმბოლიკით სააღდგომო პასქას აუცილებლად ემატება თაფლი!

საზოგადოება - 21:06, 29 Apr, 2013

1080

თაფლი, რომელიც აუცილებელია პასქისთვის. პასქაში რძესა და თაფლს აქვს რელიგიური დატვირთვა, მათ გარეშე ის მოკლებულია საეკლესიო სიმბოლიკას. აქვე უნდა აღინიშნოს, რომ კონკრეტულად ამ სიმბოლიკას დოგმატური ხასიათი აქვს და არა უბრალოდ საეკლესიო წესის, რომელიც შეიძლება სხვადასხვა ადგილობრივ ეკლესიებში სხვადასხვაგვარი იყოს...

პასქის სიმბოლიკა სათავეს იღებს ძველი აღთქმიდან და ის უშუალოდ ღმერთის მიერ არის მოცემული, კერძოდ:

ებრაელები, ნიშნად იმისა, რომ ძველ აღთქმაში დარაზული იყო სამოთხის კარი (ანუ აღკვეთილი იყო ცხონება, ღმერთთან ურთიერთობა), პასექის დღესასწაულზე აცხობდნენ უმარილო და ხმიადებს, ანუ საფუარის გარეშე (საფუარი მადლის გამრავლებას აღნიშნავს)... როდესაც ღმერთმა უბრძანა მოსეს, ეგვიპტის ტყვეობიდან გამოეყვანა მისი ერი (ეგვიპტე კერპთთაყვანისმცემლობის ცენტრი იყო და სულიერი თვალსაზრისით ჯოჯოხეთსა - სულიერ სიკვდილს განასახიერებდა), უთხრა, რომ მიიყვანდა იმ მიწაზე, სადაც მოედინება თაფლი და რძე (ანუ აღთქმულ მიწაზე - აქ სიმბოლურად იგულისხმება ადამიანის სამოთხეში დაბრუნება ქრისტეს მიერ ცოდვათა გამოსყიდვის გზით, ანუ დაბრუნება აღთქმულ მიწაზე)... რძე წარმოადგენს მარადიულ ცხოვრებას, ხოლო თაფლი - ნეტარებას, ამრიგად ღმერთმა აუწყა მოსეს, რომ ის მართლმორწმუნეებს დააბრუნებდა მარადიულ სასუფეველში.

ამიტომ, პასქა დღერს ქრისტიანები მივირთმევთ აღდგომის დღესასწაულზე ნიშნად იმისა, რომ ჩვენთვის ღიაა სასუფეველი, რომ მესია - ქრისტე ჭეშმარიტად განკაცდა და გამოისყიდა კაცობრიობის ცოდვები...

ებრაელებმა, რომელთაც არ მიიღეს იესო მესიად, ახლაც აცხობენ უმარილო ხმიადებს, ნიშნად იმისა, რომ ისინი კვლავ ელოდებიან მესიას...

ამიტომ ქრისტიანისთვის მაცის (ებრაელთა საპასექო ხმიადის) ჭამა, ქრისტეს უარყოფის ცოდვაა, ხოლო პასქის არარელიგიური რეცეპტით გამოცხობა - უბრალოდ ნამცხვრის გაკეთებაა და მეტი არაფერი.