აშშ-ის სასამართლომ პრეზიდენტ რონალდ რეიგანზე თავდამსხმელს ფსიქიატრიული კლინიკის დატოვების უფლება მისცა.

როგორც "ვაშინგტონ პოსტი" იტყობინება, მოსამართლის გადაწყვეტილებით, ჯონ ჰინკლიმ, რომელმაც ფსიქიატრიულ დაწესებულებაში 35 წელი გაატარა, აზოგადოებისთვის საფრთხეს აღარ წარმოადგენს.

61 წლის ჰინკლი კლინიკას 5 აგვისტოს დატოვებს და ვირჯინიის შტატში, დედასთან ერთად იცხოვრებს.

1981 წლის 30 მარტს, ვაშინგტონში ჰინკლიმ რონალდ რეიგანსა და მის თანმხლებ პირებს ცეცხლი მაშინ გაუხსნა, როდესაც ისინი სასტუმრო “ჰილტონიდან” გამოდიოდნენ. რონალდ რეიგანი და კიდევ სამი ადამიანი თავდასხმას გადაურჩნენ, თუმცა დაიჭრნენ.