თურქეთის ხელისუფლებამ 130 ადგილობრივი მედიასაშუალების დახურვის გადაწყვეტილება მიიღო

მსოფლიო - 11:00, 28 Jul, 2016

1596

თურქეთის ხელისუფლებამ მედიასაშუალებების დახურვის გადაწყვეტილება მიიღო. როგორც CNN Turk-ი იტყობინება, საუბარია 130 ადგილობრივ გამოცემასა და ტელეარხზე.როგორც ცნობილი გახდა, დაიხურება სამი საინფორმაციო სააგენტო, 16 ტელეკომპანია და 45 ყოველდღიური გაზეთი.
ამავდროულად, ცნობილი გახდა, რომ ხელისუფლებამ 1 600-ზე მეტი სამხედრო მოსამსახურის, მათ შორის 149 გენერლისა და ადმირალის დათხოვნას აპირებს.

სამხედრო გადატრიალების მცდელობასთან დაკავშირებით დაკავებულია 15 ათასი ადამიანი, მათგან 10 ათასი სამხედრო.გუშინ ცნობილი გახდა, რომ თურქეთის ხელისუფლებამ ქვეყნის ერთ-ერთი უმსხვილესი გამოცემის, „ზამანის“ 47 თანამშრომლის დაკავების ორდერი გასცა.

სამხედრო გადატრიალების მცდელობის შემდეგ, სამსახურიდან გაათავისუფლეს ან სამსახურეობრივი მოვალეობები შეუწყვიტეს 45 000 ადამიანს, მათგან 15 000 მასწავლებელი, ხოლო 1500 დეკანია.

თურქეთში, სახელმწიფო გადატრიალების მცდელობის შემდეგ 8 000-ზე მეტი სამართალდამცველი სამსახურიდან გაათავისუფლეს. სამსახურიდან გათავისუფლებულ პირებს შორის არიან პოლიციის 7899 ოფიცერი და ჟანდარმერიის 614 ოფიცერი. სამსახურეობრივი მოვალეობების შესრულება შეუწყდა 3 ათასს მოსამართლესაც.