აფციაური პროფკავშირების ახალგაზრდულ ფრთას უხელმძღვანელებს და ახალგაზრდების უფლებებს დაიცავს:

"რთული და სამარცხვინო ფაქტი მოხდა. არჩევნებამდე რემდენიმე თვით ადრე ვანო ჯავახიშვილმა მითხრა, რომ პოლიტიკური იუმორი არ უნდა მეკეთებინა. მიშა ანდღულაძემ განმიცხადა, რომ პრეზიდენტის პაროდია მოძველდა. ჩემი საავტორო გადაცემის "თქვენი შოუს" ჩაწერისას კი, ჯავახიშვილმა მითხრა, რომ პრეზიდენტის პაროდიას ტაბუ დაედო. მე ამ განცხადებით, არ მინდა ვანო ჯავახიშვილს დასჯა. უბრალოდ, შევეცდები საზოგადოებამდე სიმართლე მივიტანო. შეიძლება ეს სიმართლე ვინმეს პრობლემას უქმნიდეს, მაგრამ მე ამ შემთხვევაში ვერავის ვუშველი. ვანო მარტო არ მოქმედებს. მისი მეგობრები არიან ალეკო მალხაზიშვილი, ვართე და ოთო ლომთაძე", - განაცხადა აფციაურმა.

აფციაურის მტკიცებით, თემო მჟავიას, ამირან ჩოხარაძესა და ლევან გოგორელიანს სამსახურში ისეთი პირობები შეუქმნეს, რომ ისინი იძულებულები გახდნენ ტელეკომპანია დაეტოვებინათ. მთავარ მიზეზად კი თვიური ანაზღაურების დაკლებას ასახელებს:

"ამის შემდეგ თემო მჟავიას ხელფასი დააკლეს, რაც 700 ლარი გახდა, ამას 14-ჯერ აღემატება ვანო ჯავახიშვილის ანაზღაურება. ამ ბიჭებზე თქვეს, რომ ფულის გამო სხვაგან წავიდნენ. ესაა სიცრუე. იქ იყო ისეთი პირობები, რომ ეს ადამიანები უბრალოდ გაიქცნენ. ეს ყველაფერი ხდება დავით გოგიჩაიშვილი მიერ შექმნილ პროექტებში, რომელიც მას წაართვეს. ჩემზე საუბრობდნენ, თითქოს ეჭვიანი, ფსიქიურად შეშლილი ვარ და რაღაცებს ვიგონებ. არ მგონია თითოეული ადამიანი, ვინც ჩამოვთვალე ვიყოთ ეჭვიანები, ან ხუმრობას ვერ ვიგებდეთ. საკვირველია, ნიკა გრიგოლიამ რატომ ვერ გაიგო ისეთი ხუმრობა, რომ სამსახურიდან გააგდეს და თან სცემეს", - განმარტავს გიორგი აფციაური.