Tomorrowland - ელექტრონული მუსიკის სამოთხე, რომელიც მსოფლიო მელომანებს აერთიანებს(ფოტოკოლაჟი)

ეს საინტერესოა - 15:24, 26 Jul, 2016

3707

უკვე მე-13 წელია, ყოველწლიურად, ივლისის ბოლო კვირას , ახალგაზრდები მსოფლიოს სხვადასხვა კუთხიდან ერთი ქვეყნისკენ მიემართებიან. მათ მიზანს მუსიკალური ფესტივალის სამოთხეში მოხვედრა წარმოადგენს.

ყოველწლიურად, ბელგია საოცრებათა ქვეყნად გადაიქცევა ხოლმე და ყველაზე გრანდიოზულ , ყველაზე ფერად ელექტრონული მუსიკის ფესტივალს მასპინძლობს.

Tomorrowland - ასე ჰქვია ფესტივალს, რომელზე მოხვედრასაც ელექტრონული მუსიკის, თავისუფლების, გართობის ყველა მოყვარული ოცნებობს.

შარშანდელი ფესტივალი 22-იდან 24 ივლისამდე გაგრძელდა. ბელგიამ კვლავ შეკრიბა მსოფლიოს სხვადასხვა კუთხის ახალგაზრდები.

Tomorrowland-ი სათავეს 2005 წლიდან იღებს, ბელგიის პატარა ქალაქ BOOM-ში, ანტვერპენიდან 16კმ-ში და ბრიუსელიდან 32 კმ-ში. მისი ხანგრძლივობა თავდაპირველად მხოლოდ ერთ დღეს შეადაგენდა და სულ რაღაც 9 000 სტუმარს მასპინძლობდა.

თანდათანობით "თუმოროულენდის" დღეებისა და ვიზიტორების რიცხვი გაიზარდა და ახლა, ფესტივალს ნახევარ მილიონამდე ადამიანი ესწრება.

2008 წელს Tomorrowland-მა 100-მდე DJ-ს უმასპინძლა და 50 000 ადამიანი ესტუმრა მას 2 დღის განმავლობაში. 2009 წელს 90 000, 2010-ში ბილეთები ფესტივალის წინა დღეს უკვე მთლიანად გაიყიდა და 120 000 ადამიანი გახდა დაუვწყარი შოუს სტუმარი. 2011 წელს უკვე 3 დღე შეეადგინა მისმა ხანგრძლვობა და სტუმართა რაოდენობა უფრო გაიზარდა და 180 000 შეადგინა . 2011 წელს ფესტივალზე დაუკრეს :David Guetta, Nervo, Swedish House Mafia, Avicii, Tiësto, 2ManyDJ's, Carl Cox, Paul van Dyk და სხვ. გამოკითხვის შედეგად 2011 წლის თუმოროულენდი დასახელდა საუკეთესო ფესტივალად.