ქართველი და ირანელი სპორტსმენების საოლიმპიადო ჩაცმულობა BBC-ზეც მოხვდა

ეს საინტერესოა - 12:06, 26 Jul, 2016

21857

რამდენიმე დღეა სრულიად სოციალური ქსელი ოლიმპიელთა ჩაცმულობას, „სამოსელ პირველსა“ და ლევან ვასაძეს აკრიტიკებს.

ქართველი ოლიმპიელების სამოსი BBC-ის ყურადღების ცენტრშიც მოექცა, ირანთან ერთად.

როგორც სტატიის ავტორი აღნიშნავს, ქართული ტრადიციული ტანსაცმლის მწარმოებელი კომპანიისთვის , მისი სამოსის ოლიმპიადის გახსნაზე გატანა, ბრენდის კარიერის მაღალი წერტილი უნდა ყოფილიყო, თუმცა ბევრი ქართველი ამას არ ეთანხმება.

„უფრო მეტიც, საქართველოს ეროვნული ნაკრების ფორმის შესახებ 6 000-ზე მეტმა ადამიანმა ონლაინ პეტიციას მოაწერა ხელი“ - ნათქვამია სტატიაში.

„ბიბისი“ აღნიშნავს, რომ ქართველი სპორტსმენების ფორმები ტრადიციული ჩოხის ელემენტებზეა შეკერილი და ასევე სახალისო გამოხმაურებებზეც წერს.

„პროფესორმა მერაბ ბასილაიამ დიზაინზე იხუმრა და განაცხადა, რომ ფორმები დაავადებათა კლონტროლის ეროვნული სააგენტოს რეკომენდაციით შეიკერა, რომ ზიკას კოღომ არ უკბინოთ სადმე,

პოლიტიკოსმა ზვიად კვაჭანტირაძემ კი დიზაინს „უგემოვნო“ უწოდა და შეშფოთება გამოთქვა, რომ „საქართველო მსოფლიოს დასაცინი გახდა.“

სტატიიის მეორე ნაწილი ირანის ეროვნული ნაკრების სპორტსმენების ფორმებს ეხება, რომელიც სოციალური ქსელების მომხმარებლემა ფერების გამო საშლელს შეადარეს.