ბარაკ ობამას ძმის თქმით, არჩევნებში დონალდ ტრამპს მისცემს ხმას

მსოფლიო - 18:07, 25 Jul, 2016

2410

ბარაკ ობამას ნახევარძმა, მალიკ ობამა აცხადებს, რომ ნოემბერში აშშ-ის საპრეზიდენტო არჩევნებზე ამერიკელ მილიარდერს, რესპუბლიკელ დონალდ ტრამპს მისცემს ხმას.

კენიაში მყოფმა 50 წლის მალიკ ობამამამ "როიტერსთან" სატელეფონო ინტერვიუში განაცხადა, რომ ძმის მმართველობით უკმაყოფილოა. მისი თქმით, ის მხარს უჭერს დონალდ ტრამპის პოლიტიკას, განსაკუთრებით უსაფრთხოების სფეროში.

"მისი მიმართვის ადრესატი პირადად მე ვარ და ვფიქრობ, რომ ის მიწაზე მყარად დგას, საუბრობს გულწრფელად და არ ცდილობს, იყოს პოლიტკორექტული. ის პირდაპირია" - განაცხადა მალიკ ობამამ.

მალიკი 1985 წლიდან ვაშინგტონში ცხოვრობს. "როიტერსის" ცნობით, ის ბევრკომპანიაში მუშაობდა, სანამ დამოუკიდებელი ფინანსური კონსულტანტი გახდებოდა.

მალიკის თქმით, მას ესმის ტრამპის პოზიცია მუსლიმებთა დაკავშირებით. შეგახსენებთ, დონალდ ტრამპი მუსლიმებისამდი შეუარცხმყოფელი და მიუღებელი განცხადებებით ხშირად გამოსულა. ის მუსლიმების აშშ-ში ჩასვლის წინააღმდეგია.

"მე მუსლიმი ვარ, თუმცა რა თქმა უნდა, არ შეიძლება, რომ ადამიანები დადიოდნენ, ხალხს ესროდნენ და ხოცავდნენ ისლამის სახელით" - განაცხადა მალიკ ობამამ.

მისივე თქმით, ეს მისი აზრია და არ აპირებს გაჩუმებას მხოლოდ იმიტომ, რომ მისი ძმა ამერიკის შეერთებული შტატების პრეზიდენტია.

როგორც Reuters-ი აღნიშნავს, ბარაკ და მალიკ ობამებს წარსულში ახლო ურთიერთობა ჰქონდათ. მალიკი სტუმრობდა პრეზიდენტს ოვალურ კაბინეტში. გარდა ამისა, ბარაკ და მიშელ ობამების ქორწილში ხელისმომკიდე იყო.