"გაზპრომი“ ოკუპირებულ სამხრეთ ოსეთში შვილობილ საწარმოს ხსნის

მსოფლიო - 16:31, 25 Jul, 2016

1737

რუსული კომპანია და ბუნებრივი აირის უმსხვილესი მწარმოებელი "გაზპრომი“ ოკუპირებულ სამხრეთ ოსეთში შვილობილ საწარმოს გახსნის.
ამის შესახებ საგენტო "სპუტნიკ ოსეტია" იტყობინება. გამოცემის თანახმად, კომპანია ე.წ. სამხრეთ ოსეთის გაზიფიკაციის საკითხებით დაკავდება.
„გაზპრომის“ წარმომადგენლები დღეს ცხინვალში ჩავიდნენ, სადაც ე.წ. პრეზიდენტ ლეონიდ თიბილოვს შეხვდნენ.
"სამხრეთ ოსეთის მოსახლეობისთვის გაზიფიცირების საკითხს დიდი მნიშვნელობა აქვს. ეს გადაწყვეტს არა მხოლოდ სოციალურ-ეკონომიკური ხასიათის პრობლემებს, არამედ პოლიტიკური მნიშვნელობას გააჩნია" - განაცხადა თიბილოვმა.
„გაზპრომის“ წარმომადგენლის ვალერი გოლუბევის განცხადებით, გაზიფიცირების რამდენიმე ვარიანტი განიხილებოდა.

„ საბოლოოდ შევჩერდით ვარიანტზე, რომელიც რუსეთის მიერ აპრობირებულია ბელორუსში, ყირგიზეთსა და სომხეთში, სადაც არის ჩვენი შვილობილი საწარმოები, „გაზპრომს“ კი აკისრია პასუხისმგებლობა მათი ფუნქციონირებაზე, ამ ქვეყნების ტერიტორიაზე გაზის მიწოდებაზე, გაზის სატრანსპორტო სისტემის განვითარებაზე. „გაზპრომი“ პასუხისმგებელია გაზის სექტორში ფინანსური, ეკონომიკური და იურიდიული საქმიანობისთვის“- გოლუბევმა.