ბაშარ ასადის რეჟიმის წინააღმდეგ მებრძოლმა “სირიის რევოლუციური ძალებმა” სოციალურ ქსელში აქცია დაიწყო, რომლითაც საერთაშორისო საზოგადოებას სირიაში მყოფი ბავშვების დახმარებისკენ მოუწოდებს.

სოციალური ქსელის მომხმარებლები აქვეყნებენ სირიელი ბავშვების ფოტოებს, რომლებსაც ხელში უჭირავთ პლაკატი პოპულარული ონლაინ-თამაშის Pokemon Go-ს პერსონაჟების გამოსახულებებითა და წარწერები: “სირიაში ბევრი პოკემონია, მოდი და გადამარჩინე”, “მე ვარ პოკემონი იდლიბიდან, გთხოვ, მოდი და გადამარჩინე”.

Pokemon Go ახალი მობილური თამაშია რეალობის ელემენტებით. თამაშის მიზანი სხვდასხვა ლოკაციებში მითითებული "პოკემონების" პოვნაა.