აშშ-ში, ფლორიდის შტატში პოლიციელმა ცეცხლი გაუხსნა უირაღო ფერადკანიანს, რომელიც აუტიზმის სპექტრის დარღვევის მქონე პაციენტს ეხმარებოდა.

მაიამის ერთ-ერთ კლინიკასთან ახლოს, ექიმი ჩარლზ კინსი ცდილობდა, დახმარებოდა პაციენტს, რომელმაც სამედიცინო დაწესებულება თვითნებურად დატოვა.

კადრებზე, რომელიც ინტერნეტში გავრცელდა ჩანს, როგორ მოუწოდებენ პოლიციელები მამაკავს, მიწაზე დაწვეს და ხელები ასწიოს.

ვიდეოზე ჩანს, რომ ექიმი სამართალდამცავის მოთხოვნას ასრულებს და ამავდროულად პაციენტის დამშვიდებას ცდილობს, რომელსაც ხელში სათამაშო მანქანა უჭირავს.

მიუხედავად ამისა, პოლიციელმა სამჯერ გაისროა. ერთერთი ტყვია ექიმს ფეხში მოხვდა.

მომხდართან დაკავშირებით დაიწყო გამოძიება. პოლიციელს კი უფლებამოსილება შეუჩერდა.