დიდი ბრიტანეთი ლისაბონის ხელშეკრულების 50-ე მუხლს, რომელიც ევროკავშირიდან გასვლის წესებს განსაზღვრავს, ამ წლის განმავლობაში არ აამოქმედებს.

ამის შესახებ უმღლეს სასამართლოში იურისტმა ჯეისონ კოპელმა განაცხადა.

პრაქტიკულად, ეს იმის ნიშანია, რომ დიდი ბრიტანეთი ევროკავშირისად გასვლის ფორმალური პროცედურების დაწყებას არ აპირებს.

მანამდე, დიდი ბრიტანეთის ახალმა პრემიერ-მინისტრმა, ტერეზა მეიმ განაცხადა, რომ ლისაბონის ხელშეკრულების 50-ე მუხლი წლის განმავლობაში უნდა ამოქმედებულიყო.

რეალურად, ეს მუხლი არასოდეს ამოქმედებულა და ბრიტანეთი პირველი პრეზედენტი იქნება.

შეგახსენებთ, მიმდინარე წლის 23 ივნისს ცნობილი გახდა „ბრექსითის“ რეფერენდუმის შედეგები, რომლის თანახმადაც, ამომრჩეველთა ხმათა უმრავლესობით დიდი ბრიტანეთი ევროკავშირს ტოვებს. შედეგების გამოცხადების შემდეგ, დევიდ კემერონმა თანამდებობა დატოვა.

ევროპელმა ლიდერებმა დიდი ბრიტანეთის მსოახლეობის გადაწყეტილების გამო მწუხარება გამოთქვეს, თუმცა დასძინეს, რომ მოსახლეობის გადაწყვეტილებას პატივს სცემენ და დიდი ბრიტანეთს ევროკავშირიდან გასვლის ფორმალური პროცედურების დაწყებისკენ მოუწოდეს.