პატრიარქმა ინდოელი სწავლული სუნდარ სიფთხი გაიხსენა და აღნიშნა, რომ მან სწორად უპასუხა კითხვაზე, განიცდიდა თუ არა სიამაყეს, როცა მას აქებდნენ:
"როდესაც მას ეკითხებოდნენ მთელი მსოფლიო გიცნობს და გადიდებს და ნუთუ არ გრძნობ სიამაყესო, მან უპასუხა - როდესაც უფალი იესო ქრისტე ვირზე მჯდომი იერუსალიმში შედიოდა ხალხი ტანსაცმელს იხდიდა და მას პალმის რტოებთან ერთად ფეხქვეშ უგებდაო. თუმცა ისინი პალმის რტოებს უგებდნენ არა ვირს, არამედ მას, ვინც ვირზე იჯდა. ამით ინდოელმა მოღვაწემ თავი ვირს შეადარა, ამიტომ უნდა გვახსოვდეს, რომ როცა გვაქებენ და გვადიდებენ, ამას ჩვენ კი არ გვაქებენ, არამედ აქებენ უფალს, რომელიც ჩვენშია",- აღნიშნა პატრიარქმა.
პატრიარქის თქმით, როდესაც იესო ქრისტეს ადიდებდნენ, სახარების თანახმად, ის ტიროდა, რადგან იცოდა, რომ ის ხალხი, რომელიც დღეს ადიდებდა და უგალობდა, ხვალ ჯვარს აცვამდა.
"ასეთი ცვალებადია ადამიანის ცხოვრება. ყოველ დღე უფალს შევთხოვოთ მშვიდობა და კაცთა შორის სათნოება. პირველ რიგში, უნდა ვადიდოთ უფალი და ჩვენი ცხოვრებით შევქმნათ სიმბოლური ჯვარი, ვერტიკალური, ანუ სწრაფვა უფლისადმი და ჰორიზონტალური - სიყვარული ერისადმი, ადამიანებისადმი. ბედნიერია ადამიანი, რომელიც ამ ჯვარს ქმნის",- აღნიშნა უწმინდესმა.

პატრიარქმა ის ჯგუფიც დალოცა, რომლის ამ კვირაში, იერუსალიმში ღვთაებრივი ცეცხლის ჩამოსატანად მიემგზავრება, რის შემდეგაც ბზა აკურთხა.