ნიცას ტერაქტს ამერიკელი მამა-შვილი შეეწირა - ეს 11 წლის ბიჭის საოცნებო არდადეგები იყო

მსოფლიო - 16:50, 15 Jul, 2016

2105

ნიცას ტერაქტის შედეგად დაღუპულთა შორის საფრანგეთის გარდა, ამერიკის, რუსეთის, შვეიცარიის, გერმანიისა და სომხეთის მოქალქეებიც არიან.

ამის შესახებ ინფორამცის "ბიბისი" ავრცელებს. სააგენტოს ცნობით, გარდაცვლილთა შორის ამერიკის 2 მოქალაქე , მამა-შვილია , 51 წლის სინ კოპლანდი და 11 წლის ბროდი. ბროდი ტექსასის ბეისბოლის გუნდის წევრი იყო. ისინი ნიცაში არდადეგებზე იმყოფებოდნენ.
როგორც მისი მეგობრები აცხადებნენ, ეს ბიჭის საოცნებო არდადაეგები იყო.
ამჟამინდელი მონაცემებით დაღუპულია 84 ადამიანი, დაშავებულია 100. დაღუპულთა შორის 10 ბავშვია დაშავებულთაგან 18 -ის მდგომარეობა კრიტიკულია, რაც მსხვერპლის გაზრდის საშიშროებას ქმნის.

შეგახსენებთ, ტერაქტი ნიცაში გვიან ღამით მოხდა. „ბასტილიის აღების დღის“ აღსანიშნავ დღესასწაულზე შეკრებილ ადამიანთა შორის, რომლებიც ფოიერვერკებს უყურებდნენ, სატვირთო ავტომობილი შევარდა.

თავდამსხმელმა ხალხის მისამართით გასროლაც მოასწრო. პანიკისა და შეჯახების შემდეგ ინტერნეტში თვითმხილველების მიერ გადაღებული სისხლიანი კადრები გავრცელდა. პოლიციამ სატვირთოს მძღოლი ადგილზე მოკლა. მისი ავტომობილიდან კი ამოღებულია იარაღი და ხელყუმბარები.

გავრცელებული ცნობით, თავდამსხმელი, რომელიც ნიცაში სატვირთო მანქანას მართავდა, მუჰამედ ლაჰუაეჯ ბუჰლელია. როგორც ფრანგული მედია იტყობინება, თავდამსხმელი წარმოშობით ტუნისელი, 31 წლის ადგილობრივი მცხოვრებია.

გავრცელებული ცნობით, მას მეუღლე და 3 შვილი ჰყავს. ამავდროულად, ვრცელდება ინფორმცია, რომ თავდამსხმელი განსაკუთრებული რელიგიურობით არასოდეს გამოირჩეოდა. მეზობლების ცნობით, ის მუსლიმებისთვის წმინდა რამადანის მარხვას სრულად არ იცავდა.