ნიცაში მომხდარი თავდასხმის შემდეგ საავადმყოფოში 50 ბავშვია გადაყვანილი

მსოფლიო - 14:10, 15 Jul, 2016

3135

ნიცაში მომხდარი თავდასხმის შემდეგ საავადმყოფოში 50 ბავშვია გადაყვანილი. ამის შესახებ ინფორმაცის ფრანგული მედია ავრცელებს.

გარდა ამისა, თვდასხმის შედეგად გარდაცვლილთა შორის რამდენიმე ბავშვიც არის, თუმცა მათ რაოდენობა უცნობია.

ამჟამინდელი მონაცემებით დაღუპულია 84 ადამიანი, დაშავებულია 100. დაშავებულთაგან 18 -ის მდგომარეობა კრიტიკულია, რაც მსხვერპლის გაზრდის საშიშროებას ქმნის.

დაშავებულთა შორის არიან, ბრიტანეთის, დანიისა და ავსტრალიის მოქალაქეებიც.

შეგახსენებთ, ტერაქტი ნიცაში გვიან ღამით მოხდა. „ბასტილიის აღების დღის“ აღსანიშნავ დღესასწაულზე შეკრებილ ადამიანთა შორის, რომლებიც ფოიერვერკებს უყურებდნენ, სატვირთო ავტომობილი შევარდა.

თავდამსხმელმა ხალხის მისამართით გასროლაც მოასწრო. პანიკისა და შეჯახების შემდეგ ინტერნეტში თვითმხილველების მიერ გადაღებული სისხლიანი კადრები გავრცელდა. პოლიციამ სატვირთოს მძღოლი ადგილზე მოკლა. მისი ავტომობილიდან კი ამოღებულია იარაღი და ხელყუმბარები.

სატვირთო მანქანის მძღოლი, რომელიც ნიცაში, დღესასწაულზე შეკრებილი ხალხის მასაში შევარდა, პოლიციისთვის ცნობილი იყო. თუმცა არა სადაზვერვო სამსახურებისთვის. ამის შესახებ ინფორმაციას სააგენტო Reuters-ი ავრცელებს.

სააგენტოს ცნობით, მამაკაცი სამართალდამცავებისთვის ცნობილი იყო ისეთი დანაშაულების გამო, როგორიცაა ქურდობა და ძალადობა.

„როიტერსის“ცნობითვე, როგორც ფრანგული მედია იტყობინება, თავდამსხმელი წარმოშობით ტუნისელი, 31 წლის ადგილობრივი მცხოვრებია.

საფრანგეთის პრეზიდენტმა ფრანსუა ოლანდმა ნიცაში მომხდარ თავდასხმასთან დაკავშირებით ქვეყანაში საგანგებო მდგომარეობის სამი თვით გახანგრძლივების გადაწყვეტილება მიიღო.