მამაკაცი, რომელიც ნიცაში ხალხის მასაში სატვირთო ავტომობილით შევარდა, ლიკვიდირებულია

მსოფლიო - 10:38, 15 Jul, 2016

9242

მამაკაცი, რომელიც გვიან ღამით, ნიცაში, ბასტილიის აღების დღის აღსანიშნავ დღესასწაულზე შეკრებილ ადამიანთა შორის სატვირთო ავტომობილით შევარდა, ლიკვიდირებულია.

როგორც "ბიბისი" იტყობინება, პოლიციამ სატვირთოს მძღოლი ადგილზე მოკლა. მისი ავტომობილიდან კი ამოღებულია იარაღი და ხელყუმბარები.

შეგახსენებთ, ტერაქტი ნიცაში გვიან ღამით მოხდა. „ბასტილიის აღების დღის“ აღსანიშნავ დღესასწაულზე შეკრებილ ადამიანთა შორის, რომლებიც ფოიერვერკებს უყურებდნენ, სატვირთო ავტომობილი შევარდა.

თავდამსხმელმა ხალხის მისამართით გასროლაც მოასწრო.

ამჟამინდელი მონაცემებით დაღუპულია 84 ადამიანი, დაშავებულია 100. დაშავებულთაგან 18 -ის მდგომარეობა კრიტიკულია, რაც მსხვერპლის გაზრდის საშიშროებას ქმნის.

დაღუპულთა შორის არიან ბავშვები. დაშავებულთა შორის კი ,ბრიტანეთის, დანიისა და ავსტრალიის მოქალაქეებიც.

პანიკისა და შეჯახების შემდეგ ინტერნეტში თვითმხილველების მიერ გადაღებული სისხლიანი კადრები გავრცელდა.

საფრანგეთის პრეზიდენტმა ფრანსუა ოლანდმა ნიცაში მომხდარ თავდასხმასთან დაკავშირებით ქვეყანაში საგანგებო მდგომარეობის სამი თვით გახანგრძლივების გადაწყვეტილება მიიღო.