საფრანგეთის შინაგან საქმეთა სამინისტროზე დაყრდნობით, ფრანგული მედია ავრცელებს ინფორმაციას იმის შესახებ, რომ ნიცაში მომხდარ ტერორისტულ აქტს 84 ადამიანის სიცოცხლე ემსხვერპლა. ამის შესახებ ფრანგულ მედიაზე დაყრდნობით CNN წერს. ასევე ცნობილია, რომ დაშავებულთა რაოდენობა 100-მდე გაიზარდა.

შეგახსენებთ, რომ გვიან ღამით „ბასტილიის დღის“ აღსანიშნავ დღესასწაულზე თავმოყრილ ადამიანთა შორის, რომლებიც ფოიერვერკებს უყურებდნენ, სატვირთო ავტომობილი შევარდა.