ჟურნალმა „ფორბსმა“ 2016 წლის ყველაზე მაღალანაზღაურებად ვარსკვლავად 26 წლის ამერიკელი მომღერალი, ტეილორ სვიფტი დაასახელა. მიმდინარე წელს ტეილორმა უკვე გამოიმუშავა 171 მლნ დოლარი.

ტეილორმა შემოსავლებით აჯობა ადელს (რომელიც სიაში მეცხრეა), მადონას (სიაში მეთორმეტეა) და რიანას (სიაში მეცამეტეა).

„ფორბსის“ სიაში მოხვდა ტეილორ სვიფტის ყოფილი შეყვარებული, დიჯეი კელვინ ჰარისი. კელვინმა მიმდინარე წელს 63 მლნ დოლარი გამოიმუშავა და "ფორბსის" რეიტინგში 21-ე ადგილი დაიკავა.

ტეილორ სვიფტი კელვინ ჰარისს ერთი თვის წინ დაშორდა. რამდენიმე დღეში კი მსახიობ ტომ ჰიდლსტონთან ერთად გამოიჭირეს. როგორც დასავლური ტაბლოიდები წერენ, ტეილორმა კელვინს ტომთან უღალატა და მათი დაშორების მიზეზიც სწორედ ეს გახდა.