პარიზში, ევრო-2016-ის ფინალური მატჩის შემდეგ პოლიციასა და გულშემატკივრებს შორის შეტაკება მოხდა.

არეულობა მას შემდეგ დაიწყო, რაც პოლიციამ გულშემატკივრების ნაწილი ეიფელის კოშკთან მდებარე ფან-ზონაში არ შეუშვა. პოლიციის განმარტებით, აღნიშნულ ტერიტორიაზე უკვე იმყოფებოდა მაქსიმალური რაოდენობის გულშემატკივარი.

სამართალდამცველებმა არეულობის მონაწილეების წინააღმდეგ ცრემლსადენი გაზი და წყლის ჭავლი გამოიყენეს. დაკავებულია 40-მდე ადამიანი.

ევრო-2016-ის ფინალში, პორტუგალიის ნაკრებმა მანსპინძელი საფრანგეთი დაამარცხა და ჩემპიონი გახდა.