ილია მეორე: ,,განსაკურებული ყურადღება ეკოლოგიას და გამწვანებას უნდა მივაქციოთ“

საზოგადოება - 15:49, 26 Apr, 2013

530

"ახლა ვიტყვი იმას, რაც აქამდე არავისთვის მითქვამს, ჩვენ განსაკურებული ყურადღება ეკოლოგიას და გამწვანებას უნდა მივაქციოთ, ყოველი ხე და ბაღი ჩვენი ფილტვები და ჟანგბადია, ამიტომ იქნებ თქვენ პროგრამაში შევიდეს ეს საგანი, რომ თქვენმა სტუდენტებმა იცოდნენ ხის დარგვა და გამწვანება. თითო სტუდენტმა წელიწადში 500-1000 ნერგი უნდა დარგოს. ამას სოხუმის უნივერსიტეტი უნდა ჩაუდგეს სათავეში. საუკუნეების განმავლობაში თბილისი ერთ-ერთი საოცარი ქალაქი იყო თავისი ბუნებით. ტყით იყო ირგვლივ არსებული მთები დაბურული და როცა მტერი შემოდიოდა, მოსახლეობა ამ მთებს აფარებდა თავს. მტერმა კი ტყე გადაწვა, ახლა მიწა გამოფიტულია და როცა ქარია, ქალაქში მტვერი მოაქვს და ჰაერიც შეიცვალა, ამიტომ ყველაფერი უნდა გავაკეთოთ, რათა ეს ტყეები აღდგეს. ევროპის არაერთი ქალაქი მომივლია და ქალაქების შიგნით მთელი ტყის მასივებია რამდენიმე ჰექტარზე. ჩვენთან სახლების მშენებლობები მიდის და ამაზე არავინ ფიქრობს, ამიტომ სოხუმის უნივერსიტეტი უნდა ჩაუდგეს სათავეში ამ კეთილ წამოწყებას. მინდა, ხელისუფლებას და მოსახლეობას მივმართო წერილით და ამას მიაქციონ ყურადღება. თქვენ კი ამ საქმეში პიონერები უნდა იყოთ", - ბრძანა უწმინდესმა.
სოხუმის სახელმწიფო უნივერსიტეტში, კათოლიკოს-პატრიარქს უნივერსიტეტის ხელმძღვანელობამ საზეიმოდ საპატიო დოქტორის დიპლომი გადასცა.