რუსეთის სახელმწიფო დუმის საერთაშორისო საქმეთა კომიტეტის თავმჯდომარის ალექსეი პუშკოვის განცხადებით, ეუთო-ს საპარლამენტო ასამბლეის პრეზიდენტად ავსტრიელი დეპუტატის, კრისტინა მუტონენის არჩევა, არის ზომიერი ევროპის გამარჯვება აგრესიულ, ანტირუსულ ევროპაზე.

„ავსტრიელი სოციალისტის მუტონენის მიხეილ სააკაშვილის პარტიის კანდიდატზე, გიგი წერეთელზე გამარჯვება - ევროპის ზომიერი ნაწილის, აგრესიულ, ანტირუსულ ნაწილზე გამარჯვებაა” - განაცხადა პუშკოვმა.

მისივე თქმით, ეს ასევე გამარჯვებაა რუსეთის იზოლაციის კურსზე, რომლის გატარებასაც ეუთოს საპარლამენტო ასამბლეასა და სხვა ფორმატებში ამერიკული და კანადური დელეგაციები ცდილობდნენ.

პუშკოვი მიესალმა ფაქტს, რომ ეუთოს საპარლამენტო ასამბლეის პრეზიდენტის პოსტზე აირჩიეს ნეიტრალური, ნატოს არაწევრი ქვეყნის წარმომადგენელი.

ეუთოს საპარლამენტო ასამბლეის პრეზიდენტ პრეზიდენტის ასარჩევად კენჭისყრის მეორე ტურის ჩატარება გახდა საჭირო, ვინაიდან ხმათა აბსოლუტური უმრავლესობა ვერცერთმა კანდიდატმა ვერ დააგროვა.

არჩევნების მეორე ტურის შედეგების მიხედვით, ეუთოს საპარლამენტო ასამბლეის პრეზიდენტის პოსტზე ავსტრიის წარმომადგენელ კრისტინა მუტონენს 86-მა დელეგატმა დაუჭირა მხარი, გიგი წერეთელს კი 73-მა. შესაბამისად, აღნიშნულ პოსტზე კრისტინა მუტონენი აირჩიეს.