ქართველმა დიზაინერმა დემან გვასალიამ დიდი ხანია მოდის სამყაროში ადგილი დაიმკვიდრა. მისი ბრენდის Vetements-ის სამოსში ხშირად აფიქსირებენ რიანას, კანიე ვესტს, რამდენიმე დღის წინ მისი ქვედაბოლო ეცვა ბელა ჰადიდს, ტეოლორ სვიფტს და ა.შ.

2 დღის წინ დემნამ ახალი კოლექცია წარადგინა, რომლითაც როგორც ჩანს ჯასტინ ბიბერიც მოიხიბლა. მომღერალმა ინსტაგრამზე დემნა გვასალიას ფოტო ატვირთა.

"ბალენსიაგას" კრეატიულმა დირექტორმა დემნა გვასალიამ, რამდენიმე კვირის წინ მამაკაცის კოლექცია წარადგინა, რომელზე საუბარმაც სრულიად მოდის ინდუსტრია მოიცვა. ყველაზე გავლენიანი მოდის ჟურნალები წერდნენ, რომ ეს არის ახალი სიტყვა მოდის სამყაროში.

გუშინწინ კი რამდენიმე ბრენდთან კოლაბორაციით Vetements-მა ახალი კოლექცია წარადგინა, რომელმაც სრული ფურორო მოახდინა.

The Business of Fashion-მა ვეტმანს ახალ სტატიაში გენიალური უწოდა. სტატიაში აღნიშნულია,რომ ეს გენიალურობა მის პრაგმატიზმში მდგომარეობს.

ესპანური ვოგი ახალ სტატიას აქვეყნებს, რომელიც ასე იწყება: “ მომავალი იწყება აქ. Vêtements-ზე საუბარი , ნიშნავს ფენომენზე საუბარს, რომელსაც ქართველი დემნა გვასალია ქმნის.“

შეგახსენებთ, დემნა გვასალია „ბალენსიაგას“ კრეატიული დირექტორი 2015 წლის ნოემბერში გახდა. პარალელურად, ის განაგრძობს ბრენდ Vetements-ის კოლექციის შექმნას.

"ვუნდერკინდი ქართველი დიზაინერი დემნა გვასალია ”ბალენსიაგას” კრეატიულ დირექტორად დაინიშნა" - წერდა გამოცემა businessoffashion.com. ბრენდისთვის თავისი პირველი შოუ გვასალიამ 2016 წლის მარტში გამართა

Vetements-ის სათავეში დემნასთან ერთად მისი ძმა გურამ გვასალია დგას. მათი სახასიათო ნიშანი დიდი ზომის სამოსი, ყვავილების პრინტებიანი კაბები და გადაკეთებული ჯინსებია. გვასალია რვა წლის განმავლობაში Margiela-ს კულისებში მუშაობდა. თანამშრომლობდა "ლუი ვიტონთანაც." დემნა გვასალიას მეისონ მარტინი მარჯიელას "სულიერ შვილს" უწოდებდა. გამოცემა, businessoffashion.com კი მას ვუნდერკინდ ქართველ დიზაინერს უწოდებს.

დემნა გვასალიას განსაკუთრებული გულშემატკივარია რეპერი კანიე ვესტი. რომელმაც დემნა გვასალიასთან და "ვოგის" მთავარ რედაქტორ ანა ვინტურთან ერთად გადაღებული ფოტო გამოაქვეყნა, წარწერით - "ბოსები."

გთავაზობთ რამდენიმე ლუქს Vetements-ის ახალი კოლექციიდან: