"ჯეიმს ბონდი ქერა ლამაზმანმა დაისაკუთრა" - ტომ ჰიდლსტონისა და ტეილორ სვიფტის რომანი ფოტოებზე

ეს საინტერესოა - 15:12, 04 Jul, 2016

4014

35 წლის ბრიტანელი მსახიობის, (რომელიც სავარაუდოდ დენიელ ქრეიგს ჯეიმს ბონდის ახალ ფილმში შეცვლის) ტომ ჰიდლსტონისა და 26 წლის მომღერლის ტეილორ სვიფტის რომანმა, რომელიც უკვე დაასახელეს ყველაზე მოულოდნელ რომანად, სრულიად ინტერნეტსივრცე მოიცვა."ჯეიმს ბონდი ქერა ლამაზმანმა დაისაკუთრა" - წერენ სოციალური ქსელების მომხმარებლები.

ერთი თვის წინ, ცნობილი გახდა, რომ ტეილორმა 15 თვიანი ურთიერთობა დაასრულა მუსიკოს კალვინ ჰარისთან, ერთ კვირაში კი პაპარაცებმა სანაპიროზე ტომ ჰიდლსტონთან ერთად დააფიქსირეს.

წყვილის ურთიერთობა საკმაოდ სწრაფად ვითარდება. ტომმა უკვე მოასწრო დედისთვის და ახლობლებისთვის ტეილორის გაცნობა. ოჯახის წევრების გასაცნობად , წყვილი პრივატული თვითმფრინავით ბრიტანეთში ჩაფრინდა. რამდენიმე დღე კი "რომაული არდადეგები" მოიწყვეს. წყვილი რომანტიკულ გარემოში რომის ქუჩებშიც დააფიქსირეს.

წყვილი ამჯერად ინგლისის მახლობლად, ზღვის სანაპიროზე ისვენებს. პაპარაცების მიერ გადაღებული ფოტოებიდან ირკვევა, რომ ჰიდლსტონმა და სვიფტმა დასვენება უახლოესი მეგობრების გარემოცავში გადაწყვიტეს. მათთან ერთად ფოტოებზე ჩანან რაიან რეინოლდსი, ბლეიკ ლაივლი, კარა დელვინი, კარლი კლოსი, ჯიჯი ჰადიდი და სხვები. აღსანიშნავია, რომ ჰიდლსტონის მაისურს წარწერა ამშვენებს -I ❤️ T.S, მკლავზე კი გული აქვს დახატული, რომელშიც კვლავ T აქვს მოთავსებული.