რუსეთის მოქალაქე ჩეჩნების კვალი და აჰმედ ჩატაევი - თურქული მედია ტერაქტის ახალ დეტალებზე წერს

მსოფლიო - 14:43, 30 Jun, 2016

5109

თურქული მედია სტამბოლის ათათურქის სახელობის აეროპორტში მომხდარ ტერაქტში ჩეჩნური კვალის შესახებ წერს. ერთ-ერთი ვერსიით ტერაქტის ორგანიზებაში რომელმაც 42 ადამიანის სიცოცხლე იმსხვერპლა რუსეთის მოქალაქე ჩეჩნების კვალი იკვეთება. ტერორისტულ აქტში თავდაპირველად 8 პირს უნდა მიეღო მონაწილეობა, მათ შორის იყვნენ ჩეჩნური, დაღესტნური, ყირგიზი და უზბეკური წარმოშობის ადამიანები, ზოგიერთი ვერსიით კი ტაჯიკებიც. მათ შორის სამმა თავი აიფეთქა, ერთი ტერორისტი სამართალდამცავების მიერ იქნა დაკავებული, 3 კი გაიქცა. გავრცელებული ინფორმაციით აღნიშნულ ტერაქტს ორგანიზებას აჰმედ ჩატაევი უწევდა.

გაზეთი Hurriyet-ი ტერაქტში მონაწილე ჩეჩნური წარმომავლობის პირის სახელსა და გვარსაც ასახელებს- ოსმან ვადინოვი. როგორც ადგილობრივი მედია იტყობინება ის თურქეთში სირიის ქალაქ რაკადან ჩავიდა.

ტერორისტების ვინაობასთან დაკავშირებით თურქეთის სამართალდამცავ ორგანოებს ოფიციალური ინფორმაცია ჯერ არ გაუვრცელებიათ.

ამასთანავე, თურქეთის პოლიციამ ტერაქტთან კავშირში ეჭვმიტანილი 13 ადამიანი დააკავა. თურქული მედიის ცნობით, დაკავებულებს შორის სამი უცხოელია. სპეცოპერაცია სტამბოლში ერთდოულად 16 მისამართზე ჩატარდა.