Brexit-ის წინააღმდეგ ლონდონში საპროტესტო აქცია გაიმართა

მსოფლიო - 13:21, 29 Jun, 2016

2098

ლონდონის ცენტრში დიდი ბრიტანეთის ევროკავშირიდან გასვლის წინააღმდეგ საპროტესტო აქცია გაიმართა. დემონსტრაციაში მონაწილეობა რამდენიმე ათასმა ადამიანმა მიიღო.

“ჩვენ გვიყვარს ევროკავშირი და არ დავტოვებთ მას - სკანდირებდნენ აქციის მონაწილეები.

აქცია “ფეისბუქის” საშუალებით დაუგეგმა, მოგვიანებით კი დემონსტრაცია უსაფრთხოების მიზნით გააუქმებს. როგორც აქციის ორგანიზატორები აღნიშნავდნენ, დემონსტრაციაში მონაწილეობის სურვილი 50 ათასმა ადამიანმა გამოთქვა, ტრაფალგარის მოედანი კი მხოლოდ 10 ათასს იტევს, ამიტომ პოლიცია და მერია უსაფრთხოებას ვერ უზრუნველყოფდნენ. ამის მიუხედავად, მიტინგი შედგა.

გაერთიანებულ სამეფოში რეფერენდუმი 23 ივნისს ჩატარდა. ბრექსითს” ამომრჩეველთა 51,9%-მა ქვეყნის ევროკავშირიდან გასვლას დაუჭირა მხარი, 48,1 % წინააღმდეგი იყო.

ლონდონსა და შოტლანდიაში, ასევე ჩრდილოეთ ირლანდიაში ხმა ევროკავშირში დარჩენის სასარგებლოდ მისცეს, თუმცა უელსსა და ინგლისის საგრაფოებში ევროკავშირიდან გასვლას დაუჭირეს მხარი.

შედეგების გამოცხადებისთანავე ცნობილი გახდა, რომ დიდი ბრიტანეთის პრემიერ-მინისტრი დევიდ ქემერონი ოქტომბრამდე თანამდებობას დატოვებს. მისი თქმით, არასწორი იქნება, დარჩეს “გემის კაპიტნად” მაშინ, როდესაც დიდი ბრიტანეთის მოსახლეობამ სხვა გზა აირჩია.