სტამბოლში მომხდარი ტერორისტული თავდასხმები დაგმო თეთრმა სახლმა. სამძიმრის წერილი პრესმდივანმა გამოაქვეყნა ამერიკის შეერთებული შტატების სახელით.

„ჯერკიდევ ინფორმაციის შეგროვების პროცესში ვართ და ვცდილობთ გავიაზროთ რა მოხდა, უნდა დადგინდეს ვინ არის ამის ორგანიზატორი, ამიტომ, ვთვლი, რომ უპირველესი გამოწვევა, სწორედ ძალადობრივი დაჯგუფებების წინააღმდეგ ბრძოლაა“, - განაცხადა ჯონ კერიმ.

მომხდარს გერმანიის კანცლერი ანგელა მერკელიც გამოეხმაურა.

„ჯერ არ ვიცით ვინ განახორციელა ეს საზარელი ტერაქტი, ვიზიარებთ გარდაცვლილთა ოჯახების მწუხარებას. მინდა ვუთხრა თურქ ხალხს, რომ მათ გვერდით ვართ ტერორიზმთან წინააღმდეგ ბრძოლაში“, - აღნიშნა ანგელა მერკელმა.

საფრანგეთის პრეზიდენტის, ფრანსუა ოლანდის განცხადებით, აუცილებელია დადგინდეს თუ ვინ მოაწყო ტერაქტი:

„აუცილებელია დადგინდეს თუ ვინ მოაწყო ეს ყველაფერი, რათა მათ წინააღმდეგ საბრძოლველად მაქსიმუმი გავაკეთოთ, ვფიქრობთ რომ ეს ყველაფერი თურქეთში სიტუაციის გაუარესების მიზნით ეწყობა“, - განაცხადა ოლანდმა.

ევროპის საბჭოს პრეზიდენტი დონალდ ტუსკი ღრმა მწუხარებას გამოთქვამს მომხდარის გამო:

„მსურს ღრმა მწუხარება გამოვუცხადო გარდაცვლილთა ოჯახებს. ასეთ ვითარებაში ჩვენ ყველა ერთიანი უნდა ვიყოთ“, - აღნიშნა ტუსკმა.