ევროპარლამენტმა დიდი ბრიტანეთის ევროკავშირიდან გასვლის ფორმალური პროცედურის დაუყონებლივ დაწყების შესახებ რეზოლუცია მიიღო

მსოფლიო - 18:56, 28 Jun, 2016

1819

ევროპარლამენტმა რეზოლუცია მიიღო, რომელიც დიდი ბრიტანეთის ევროკავშირიდან გასვლის ფორმალური პროცედურის დაუყონებლივ დაწყების შესახებ შეიცავს მოწოდებებს.
დოკუმენტს 395-მა დეპუტატმა დაუჭირა მხარი, 200 წინააღმდეგი იყო, 71-მა კი თავი შეიკავა.

დღეს დილით, ევროკომისიის პრეზიენტმა, ჟან-კლოდ იუნკერმა დიდ ბრიტანეთს მოუწოდა“ბრექსითთან” დაკავშირებით პოზიცია რაც შეიძლება მალე დააფიქსიროს. ამის შესახებ იუნკერმა ევროპარლამენტში სიტყვით გამოსვლისას განაცხადა.

მისი თქმით, დიდ ბრიტანეთსა და ევროკავშირს შორის მეგობრული ურთიერთობები შენარჩუნებულია, თუმცა საჭიროა, რომ ლონდონმა საკუთარი პოზიციის შესახებ მკაფიოდ განაცხადოს, რათა თავიდან იქნას აცილებული გაურკვევლობა.

იუნკერმა რეფერენდუმის შედეგების გამო მწუხარება კიდევე ერთელ გამოთქვა, თუმცა აღნიშნა, რომ ეს გაერთიანების წინსვლას ხელს არ შეუშლის.

ევროკომისიის პრეზიდენტმა, ლონდონს კიდევ ერთხელ მოუწოდა, ევროკავშირს "ბრექსითის” შესახებ ოფიციალურ განაცხადით მალე მიმართოს.

27 ივნისს დევიდ ქემერონმა განაცხადა, რომ ის ოფიციალურად არ აამოქმედებს ლისაბონის ხელშეკრულების 50-ე მუხლს, რომელიც ევროკავშირიდან გასვლის პროცედურას განსაზღვრავს. ქემერონის თქმით, ევროკავშირიდან გასვლის პროცედურა ფორმალურად ახალმა პრემიერმა უნდა დაიწყოს, რომელსაც კონსერვატიული პარტია შემოდგომას აირჩევს