ევროპარლამენტში სიტყვით გამოსვლისას, ევროკომისიის პრეზიდენტმა ჟან-კლოდ იუნკერმა გაერთიანებული სამეფოს დამოუკიდებლობის პარტიის ლიდერს, ნაიჯელ ფარაჯს მიმართა.

„თქვენი აპლოდისმენტები აქ უკანასკნელად ისმის. ძალიან გაკვირვებული ვარ, რომ აქ იმყოფებით. თქვენ ევროკავშირიდან გასვლისთვის იბრძოდით, ბრიტანელმა ხალხმა მხარი დაუჭირა გასვლას, მაშ, რატომ ხართ აქ?" - მიმართა იუნკერმა ფარაჯს.

აღსანიშნავია, რომ სხდომის დაწყებამდე იუნკერმა ფარაჯი გადაკოცნა.