"თურქეთი რუსული თვითმფრინავის ჩამოგდების სანაცვლოდ კომპენსაციას არ გადაიხდის"

"თურქეთი რუსული თვითმფრინავის ჩამოგდების სანაცვლოდ კომპენსაციას არ გადაიხდის" - თურქეთის პრემიერი

მსოფლიო - 17:55, 28 Jun, 2016

3842

თურქეთის პრემიერ-მინისტრი ბინალი ილდირიმი აცხადებს, რომ თურქეთი რუსული თვითმფრინავის ჩამოგდების სანაცვლოდ კომპენსაციას არ გადაიხდის. "სიენენის" თურქული რედაქცია იტყობინება.

გამოცემის თანახმად, თურქეთის პრემიერმა აღნიშნა, რომ ანკარამ მომხდარის გამო მხოლოდ მწუხარება გამოთქვა.

აღსანიშნავია, რომ ერთი დღით ადრე თურქული ტელეკმპანიის ეთერში ილდირიმმა განაცხადა, რომ საჭიროების შემთხვევაში, თურქეთი ჩამოგდებული სუ 24-ის გამო ზარალის ასანაზღაურებალდ მზად არის. მანვე დააანონსა რუსეთთან ურთიერთობის ნორმალიზების დაწყება.

გუშინ, კრემლმა გაავრცელა ინფორმაცია, რომ თურქეთის პრეზიდენტმა რეჯეპ ტაიპ ერდოღანმა,ვლადიმერ პუტინს წერილი გაუგზავნა და ნოემბერში, რუსული სამხედრო თვითმფრინავის ჩამოგდების გამო, ბოდიში მოიხადა.

რუსული მედიის ცნობით, წერილში, თურქეთის პრეზიდენტი კიდევ ერთხელ უსამძიმრებს გარდაცვლილი რუსი მფრინავის ოჯახს და მზადყოფნას გამოთქვამს, გააკეთოს ყველაფერი რუსეთსა და თურქეთს შორის ტრადიციულად არსებული მეგობრული ურთიერთობების აღსადგენად.

შეგახსენებთ, თურქეთ-რუსეთის ურთიერთობა გასული წლის ნოემბერში, თურქეთის მიერ რუსული ბომბდამშენის სუ 24-ის ჩამოგდების შემდეგ დაიძაბა. ოფიციალური ანკარას განცხადებით, რუსულმა თვითმფრინავმა თურქეთის საჰაერო სივრცე დაარღვია. მოსკოვი თურქეთის საჰაერო სივრცის დარღვევას კატეგორიულად უარყოფს.

გამანადგურებლის ჩამოგდების შემდეგ რუსეთმა თურქეთის წინააღმდეგ ეკონომიკური და სავიზო სანქციები დააწესა. მოსკოვი ანკარასგან ბოდიშის მოხდასა და ზარალის კომპენსაციას ითხოვს.