ბრიტანელი პოლიტიკოსი და ევროკომისარი ფინანსური ბაზრის საკითხებში, ჯონათან ჰილი, რომელიც Brexit-ის შედეგების შემდეგ თანამდებობიდან გადადგა, დღეს ევროპარლამენტის სხდომას ბრიტანეთის წარმოამდგენლის რანგში ბოლოჯერ დაესწრო.

ევროპარლამენტის პრეზიდენტმა , მარტინ შულცმა სხდომა ბრიტანეთის რეფერენდუმზე საუბროთ დაიწყო.

„მინდა, მადლობა გადავუხადო ამ ოთახში მყოფ ერთ ადამიანს.

ადამიანს, რომელმაც ყველაზე რთულ სიტუაციაში იპოვა საკუთარ თავში ძალა. მან საკუთარ მოვალეობას შესანიშნავად გაართვა თავი და გადადგა კაცონრიობისთვის მნიშვნელოვანი ნაბიჯები.

ბატონმა ჰილმა გადაწყვიტა მისი ოფისი დატოვოს... ასე, რომ ის ბოლოჯერ არის ჩვენთან ერთად.

ბატონო ჰილ, თქვენ აქტიურად იყავით ჩართული დიდი ბრიტანეთის ევროკავშირის შემადგენლობაში დარჩენის კამპანიაში. ევროპარლამენტის სახელით, თქვენი მუშაობისთვის მინდა დიდი მადლობა გადაგიხადოთ“ - განაცხადა მარტინ შულცმა, რასაც ევროპარლამენტარების აპლოდისმენტები მოჰყვა.

დეპუტატებმა სპონტანურად ფეხზე ადგომა დაიწყეს და რამდენიმე წუთის განმავლობაში ჯონათან ჰილს ტაშს უკრავდნენ.

ევროკომისარმა ემოციების შეკავება ვერ შეძლო.