გერმანიის კანცლერის, ანგელა მერკელის განცხადებით, დიდი ბრიტანეთი ვერ შეინარჩუნებს ევროკავშირის წევრობის პრივილეგიებს ორგანიზაციის წინაშე ვალდებულებებზე უარის თქმის შემდეგ. ამის შესახებ, მერკელმა ბუნდესტაგში სიტყვით გამოსვლისას განაცხადა.

კანცლერის თქმით, უნდა იყოს და იქნება კიდეც შესამჩნევი განსხვავება, ევროკავშირის წევრობასა და მის არაწევრობას შორის.

გერმანიის კანცლერის განცხადებით, დიდი ბრიტანეთის ინტერესებშია, რომ გაერთიანების დატოვების შემდეგ, ევროკავშირთან ახლო ურთიერთობები შეინარჩუნოს. მისი თქით, დიდ ბრიტანეთთან ევროკავშირიდან გასვლაზე მოლაპარაკებები იქამდე არ უნდა დაიწყოს, სანამ ლონდონი შესაბამის ფორმალურ პროცედურას არ აამოქმედებს.

გერმანიის კანცლერმა ევროკავშირის წევრ ქვეყნებს ერთიანობისკენ მოუწოდა და პირობა დადო, რომ ყველაფერს გააკეთებს, რათა ევროკავშირის დაშლა არ დაუშვას.