Brexit-ის შედეგებზე გერმანიის, საფრანგეთისა და იტალიის ლიდერები დღეს იმსჯელებენ

მსოფლიო - 14:35, 27 Jun, 2016

1551

დიდი ბრიტანეთის რეფერენდუმის შედეგებთან დაკავშირებით გერმანიის, საფრანგეთისა და იტალიის ლიდერები დღეს , ბერლინში შეიკრიბებიან.
გერმანიის მთავრობის ადმინისტრაციის ოფიციალური ინფორმაციით, 3 ქვეყნის ლიდერის შეხვედრის შემდეგ, გერმანიის კანცლერი ანგელა მერკელი ევროპული საბჭოს პრეზიდენტს, დონალდ ტუსკის შეხვდება.
საფრანგეთის პრეზიდენტის, ფრანსუა ოლანდის თქმით, გერმანიას და საფრანგეთს ერთიანი პოზიცია აქვთ იმასთან დაკავშირებით, თუ როგორ უნდა იმოქმედონ დიდი ბრიტანეთის ევროკავშირიდან გასვლასთან დაკავშირებით.

გაერთიანებულ სამეფოში რეფერენდუმი 23 ივნისს ჩატარდა. ბრექსითს” ამომრჩეველთა 51,9%-მა ქვეყნის ევროკავშირიდან გასვლას დაუჭირა მხარი, 48,1 % წინააღმდეგი იყო.

ლონდონსა და შოტლანდიაში, ასევე ჩრდილოეთ ირლანდიაში ხმა ევროკავშირში დარჩენის სასარგებლოდ მისცეს, თუმცა უელსსა და ინგლისის საგრაფოებში ევროკავშირიდან გასვლას დაუჭირეს მხარი.

შედეგების გამოცხადებისთანავე ცნობილი გახდა, რომ დიდი ბრიტანეთის პრემიერ-მინისტრი დევიდ ქემერონი ოქტომბრამდე თანამდებობას დატოვებს. მისი თქმით, არასწორი იქნება, დარჩეს “გემის კაპიტნად” მაშინ, როდესაც დიდი ბრიტანეთის მოსახლეობამ სხვა გზა აირჩია.