გაერთიანებულ სამეფოში ჩატარებული რეფერენდუმის შედეგის გამო, რომლის მიხედვითაც დიდი ბრიტანეთი ევროკავშირის დატოვებას აპირებს, საფრანგეთის პრეზიდენტი, ფრანსუა ოლანდი მწუხარებას გამოთქვამს:

"ახლა მთელს პლანეტას აინტერესებს, რა მოხდება. მე ძალიან ვწუხვარ რეფერენდუმის შედეგის გამო, მაგრამ პატივს ვცემ მას. ეს დემოკრატიის საკითხია, მაგრამ ამავდროულად ჩვენ უნდა გამოვიტანოთ დასკვნები. ბრიტანეთის ჩართულობითა და ევროპული ჩარჩოების ფარგლებში ჩვენ უნდა მოვახდინოთ გასვლის ორგანიზება, მაგრამ ეს უნდა მოხდეს იმ წესების შესაბამისად, რომლებსაც ითვალისწინებს სხვადასხვა შეთანხმებები და რომლებიც ასევე უნდა შესრულდეს," - განაცხადა ფრანსუა ოლანდმა.