როგორ დამთავრდა ქართული მკერდების "შეჯიბრი" და რა არის "მისს დეკოდტე"

ეს საინტერესოა - 17:16, 24 Jun, 2016

37494

გუშინ 23 ივნისს საქართველოში პირველად „მის მკერდი 2016“-ის კონკურსი ჩატარდა. კონკურსის გამარჯვებული 18 წლის ნინო გოგავა გახდა, რომლის მკერდის ზომაც 5-ია.

ორგანიზატორების განცხადებით კონკურსი საქველმოქმედო ხასიათს ატარებდა და ძუძუს კიბოს და ანორექსიით დაავადებულების მხარდასაჭერად ჩატარდა. მასში მონაწილეობისთვის აუცილებელი პირობა მინიმუმ 3 ზომა ბუნებრივი მკერდი იყო.

მონაწილეები 4 სახის კოსტიუმებით წარსდგნენ ჟიურის წინაშე, რომლის თერთმეტკაციანი შემადგენლობა მომღერლებით, ჟურნალისტებით და ცნობილი სახეებით იყო დაკომპლექტებული.

კრიტიკის საგანი გახდა არა მარტო ის, რომ დიდმკერდიანი ქალების „შეჯიბრის“ მიზნად ძუძუს კიბოთი დაავადებული ქალების დახმარება დასახელდა, რომელთა უმრავლესობა მკერდის გარეშე ცხოვრობს , არამედ ისიც, რომ კონკურსი არაორგანიზებული იყო და ლენტებზე რომლებიც ნომინაციაში გამარჯვებულებს დაკიდეს, წარწერა მარკერით იყო გაკეთებული და არასახარბიელო კალიგრაფიასთან ერთად, არც გრამატიკული შეცდომების ნაკლებობას უჩიოდა. ამის დამადასტურებელია „მის დეკოლტეს“ ნომინაციაში გამარჯვებული ნინო ჭელიძის ლენტაც , რომელსაც „მისს დეკოდტე“ ეწერა.

გამარჯვებული "მის მკერდი 2016" ნინო გოგავა