ევროკავშირის გარეშე - დიდი ბრიტანეთის ბედი , 65 წელს გადაცილებულმა მოსახლეობამ გადაწყვიტა

მსოფლიო - 16:19, 24 Jun, 2016

7341

დიდი ბრიტანეთის ბედი, ევროკავშირის გარეშე ცხოვრების შესახებ, 65 წელს გადაცილებულმა მოსახლეობამ გადაწყვიტა.ამის შესახებ რეფერენდუმის შედეგების სტატისტიკური მონაცემებით გახდა ცნობილი.მონაცემების თანახმად, ევროკავშირიდან გასვლას მხარი დაუჭირდა 65 წელს გადაცილებული მოსახლეობის 60%-მა, მაშინ როდესაც 18-24 წლამდე ეს მონაცემი 20% წარმოადგენს, 25-49-მდე - 39%, 50-59 წლამდე კი 48%. რაც შეეხება, ევროკავშირის შემადგენლობაში დარჩენას, მხარს უჭერდა 18-24 წლამდე მოსახლეობის 60%; 25-49 წლამდე მოსახლეობის 45 %, 50-64 წლამდე მოსახლეობის - 42 %, 65 ზევით კი 34 %.

გაერთიანებულ სამეფოში რეფერენდუმი გუშინ ჩატარდა. ბრექსითს” ამომრჩეველთა 51,9%-მა ქვეყნის ევროკავშირიდან გასვლას დაუჭირა მხარი, 48,1 % წინააღმდეგი იყო.

მოსახლეობის აქტივობამ 71,8 პროცენტი შეადგინა, რაც იმას ნიშნავს, რომ რეფერენდუმში 30 მილიონზე მეტმა ადამიანმა მიიღო მონაწილეობა. ეს დიდ ბრიტანეთში 1992 წლიდან არჩევნებზე აქტივობის ყველაზე მაღალი მაჩვენებელია.

ლონდონსა და შოტლანდიაში, ასევე ჩრდილოეთ ირლანდიაში ხმა ევროკავშირში დარჩენის სასარგებლოდ მისცეს, თუმცა უელსსა და ინგლისის საგრაფოებში ევროკავშირიდან გასვლას დაუჭირეს მხარი.

დღესვე ცნობილი გახდა, რომ დიდი ბრიტანეთის პრემიერ-მინისტრი დევიდ ქემერონი ოქტომბრამდე თანამდებობას დატოვებს. მისი თქმით, არასწორი იქნება, დარჩეს “გემის კაპიტნად” მაშინ, როდესაც დიდი ბრიტანეთის მოსახლეობამ სხვა გზა აირჩია.