22 ივნისის ასტროლოგიური პროგნოზი

ეს საინტერესოა - 23:57, 21 Jun, 2016

8496

ვერძი
გააუმჯობესეთ ურთიერთობა კოლეგებთან, უფროსთან. საქმიანი შეხვედრები მეგობრულ გარემოში ჩაატარეთ. მეტი ყურადღება გმართებთ დაწყებული პროექტების მიმართ.

კურო
სანამ სხვების პრობლემების მოგვარებას შეუდგებით, ჯერ საკუთარს მიხედეთ. კოლეგები თქვენი დახმარების წყალობით ჯილდოს მიიღებენ; თქვენ კი შენიშვნას - შეუსრულებელი პირადი საქმეების გამო.

ტყუპი
ახალი ვაკანსიის, პარტნიორების მოძებნის, ახალ სამსახურში გადასვლის დღეა. თუ ახალ პროექტში შემოგთავაზებენ ჩართვას, უარი არ თქვათ. დაწინაურების, მატერიალური მდგომარეობის გაუმჯობესების შანსი მოგეცემათ

კირჩხიბი
კოლეგებთან პირად ცხოვრებაზე ნუ ისაუბრებთ. აგრეთვე, სამსახურიდან ნუ ეცდებით საოჯახო საკითხების ტელეფონით მოგვარებას. უფროსს შეუმჩნეველი არ დარჩება თქვენი "საქმიანობა".

ლომი
დაეხმარეთ გარშემო მყოფებს რთული საკითხების მოგვარებაში. მეტი ყურადღება გმართებთ დაწყებული პროექტების მიმართ. გამოასორეთ დაშვებული შეცდომები.

ქალწული
საინტერესო დღე გელით, - შეიძლება ან ახალი საქმიანი პარტნიორი გამოგიჩნდეთ, ან კოლეგასთან გააბათ რომანი. კარგი დღეა საქმიანი შეხვედრებისა და მივლინებისთვის; მოგზაურობის დასაგეგმავად.

სასწორი
თუ კარდინალური ცვლილებებისთვის ხართ მზად, პირველი ნაბიჯებისთვის მოემზადეთ. კარგი დღეა სამსახურის, საქმიანობის შესაცვლელად, თუ, რა თქმა უნდა, გააზრებული გაქვთ თქვენი პოზიცია.

მორიელი
სიახლეების დღეა, ცვლილებების შეტანა მოგიწევთ დღის განრიგში, სამსახურში. შეიძლება ახალი პარტნიორები, კოლეგები გამოგიჩნდნენ. თავიდანვე კრიტიკულად ნუ განეწყობით.

მშვილდოსანი
დღეს მნიშვნელოვან საკითხებზე სწრაფი რეაგირება და გადაწყვეტილებების მიღება მოგიწევთ. ნუ გადადებთ მომავლისთვის იმას, რასაც დღესვე მოაგვარებთ. საღამოს კარგია ცურვა, იოგა.

თხის რქა
მოერიდეთ გარშემო მყოფების კრიტიკას, ნაჩქარევი გადაწყვეტილებების მიღებას. წაუკითხავ ხელშეკრულებას ხელს ნუ მოაწერთ. ცხელ გულზე ნუ გაწყვიტავთ კავშირს დიდი ხნის მეგობრებთან, კოლეგებთან.

მერწყული
პოზიტიური მოვლენებით, სიახლეებით დატვირთული დღე გელით. შეიძლება სწორედ ოთხშაბათს მოხდეს ის, რასაც დიდხანს ელოდით. თუ მივლინება ან მგზავრობა გაქვთ დაგეგმილი, ბილეთები დღეს შეიძინეთ.

თევზები
გაგიუმჯობესდებათ ურთიერთობა კლიენტებთან და პარტნიორებთან. ფინანსურ კეთილდღეობას მოგიტანთ ის საქმე, რომელშიც დიდი შრომა ჩადეთ. მორიდების გარეშე მიიღეთ შექება.