"ნატოს შემდეგი ნაბიჯი. როგორ გავუმკლავდეთ რუსეთსა და სხვა საფრთხეებს" - ამ სათაურით აქვეყნებს Foreign Affairs-ი, ევროპაში ნატო-ს ძალების ყოფილი მთავარსარდლის, ფილიპ ბრიდლავის სტატიას.

ბრიდლავი სტატიაში აცხადებს, რომ 2008 წელს საქართველოში რუსეთის ინტერვენცია, მოსკოვს დიდი ხნით ადრე ჰქონდა დაგეგმილი და საქართველო დასავლეთთან დაახლოებისთვის დაისაჯა.

"2008 წელს საქართველოში რუსეთის ინტერვენციამ აჩვენა, თუ რისი გაკეთება შეეძლო მოსკოვს დასავლეთთან დაახლოებისთვის მეზობელი ქვეყნების დასასჯელად. იმ ტემპმა კი, რომლითაც რუსეთის ძალები საქართველოში შეიჭრნენ, ცხადყო, რომ ოპერაცია დიდი ხნით ადრე იყო დაგეგმილი. რუსეთის ოპერაცია საქართველოში უკრაინაში მისი ქმედებების გეგმის ნაწილი იყო " - წერს ბრიდლავი.