ავიაკომპანია Eurowings-ის თვითმფრინავი დიუსელდორფის აეროპორტიდან დრეზდენში ისე გაფრინდა, რომ 90 მგზავრი, რომელიც თვითმფრინავში ჩასხდომას ელოდებოდა, ადგილზე დატოვა.

მგზავრების პროტესტის შემდეგ ავიაკომპანიის ხელმძღვანელობამ მომხდარის შესახებ ოფიციალური განცხადება გაავრცელა. განცხადებაში ნათქვამია, რომ რადგან დიუსელდორფის აეროპორტიდან ღამის ფრენების განხორციელება აკრძალულია, მფრინავმა მიიღო გადაწყვეტილება, რომ ის 40 მგზავრი მაინც ჩაეყვნა დანიშნულების ადგილზე, რომელთაც თვითმფრინავში ჩასხდომა მოასწრეს.

საქმე იმაში მდგომარეობს, რომ აეროპორტის შენობიდან თვითმფრინავამდე მგზავრები ავტობუსით გადაჰყავდათ, რომელშივ 40 ადამიანი ეტევა. პირველი ავტობუსის მგზავრები თვითმფრინავში დაბნელებამდე ჩასხდნენ, რაც დანარჩენა 90-მა ვერ მოასწრო. აღსანიშნავია, რომ თვითმფრინავი აეროპორტიტდან 2 ასაათის დაგვიანებით გაფრინდა.