რუსეთის თავდაცვის მინისტრი სერგეი შოიგუ სირიაში ჩავიდა და ქვეყნის პრეზიდენტს ბაშარ ასადს შეხვდა. ვიზიტი ვლადიმერ პუტინის დავალებით განხორციელდა, შოიგუმ და ბაშარ ასადმა სამხედრო თანამშრომლობისა და ტერორიზმთან ერთობლივი ბრძოლის საკითხები განიხილეს.

ვიზიტის ფარგლებში, რუსეთის თავდაცვის უწყების ხელმძღვანელი ჰმეი-მიმის ავია-ბაზაზე იმყოფებოდა და რუსი სამხედროების მუშაობასთან ერთად, იქ საზენიტო სარაკეტო კომპლექსების განლაგების მიმდინარეობას გაეცნო.