ამერიკის შეერთებული შტატების თავდაცვის მინისტრი ეშ კარტერი აცხადებს, რომ რუსეთი უგულებელყოფს აშშ-ს მოთხოვნას, არ დაბომბოს ის ქვედანაყოფები, რომლებიც სირიაში "ისლამური სახელმწიფოსა" და სხვა ტერორისტული დაჯგუფებების წინააღმდეგ იბრძვიან, აშშ-ს მხარდაჭერით.

მისი თქმით ამის შესახებ ამერიკელმა სამხედროებმა ოფიციალურად მიმართეს რუსებს ხუთშაბათს, მაგრამ პარასკევს მათ მორიგი დაბომბვა განახორციელეს.

"ეს ან შეგნებული ქმედებებია, ან რუსებს დაზვერვა არ უვარგა. რუსები აცხადებდნენ, რომ სირიის კონფლიქტშ სწორედ "ისლამური სახელმწიფოს" წინააღმდეგ ბრძოლისთვის ჩაერთვნენ, მაგრამ განხორციელებული დაბომბვა საწინააღმდეგოზე მეტყველებს, ან ის ინფორმაცია, რის საფუძველზეც ის განხორციელდა, მცდარია," - აცხადებს მინისტრი.