პუტინი "დიდი ევრაზიული პარტნიორობის" შექმნის ინიციატივით გამოდის და მასში ინდოეთს, ჩინეთს, პაკისტანს, ირანს ეპატიჟება

მსოფლიო - 18:00, 17 Jun, 2016

5005

რუსეთის პრეზიდენტი ვლადიმერ პუტინი პეტერბურგის საერთაშორისო ეკონომიკის ფორუმზე ახალი ინიციატივით გამოვიდა. პუტინის გეგმა „დიდი ევრაზიული პარტნიორობის“ შექმნას ითვალისწინებს, რომლის შემადგენლობაშიც შევა ევრაზიის ეკონომიკური კავშირი, ჩინეთი, ინდოეთი, პაკისტანი და დსთ-ს რამდენიმე ქვეყანა.

„ ჩვენ ჩვენს პარტნიორებთან ერთად ვთვლით, რომ ევრაზიული ეკონომიკური კავშირი შეიძლება იქცეს უფრო ფართო მასშტაბის გაერთიანების ერთ-ერთ შემადგენელ ცენტრად. გთავაზობთ განვიხილოთ დიდი ევრაზიული პარტნიორობის შექმნა, რომლის შემადგენლობაშიც იქნება ევრაზიული კავშირი, და ასევე ის ქვეყნები, რომლებთანაც ჩვენ ახლო ურთიერთობა გვაქვს, ესენია ინდოეთი, ჩინეთი, პაკისტანი, ირანი და რა თქმა უნდა ჩვენი პარტნიორები დსთ-ში, ასევე სხვა დაინტერესებული სახელმწიფოებები და გაერთიანებები. დღეს ტექნოლოგიური, ეკონომიკური ამოცანების მასშტაბი ისეთი ხასიათისაა, რომ ეფექტურად განვითარება მხოლოდ ერთად , თანამშრომლობით არის შესაძლებელი“- განაცხადა პუტინმა.

შეგახსენებთ ევრაზიულმა კავშირმა ფუნქციონირება 2015 წლის 1 იანვარს დაიწყო, მის შემადგენლობაში რუსეთი, ყაზახეთი, ბელორუსი, სომხეთი და ყირგიზეთი შედიან.