"მის მაგალითს ჩვენც მივბაძავთ" - ნიკოლა სარკოზი პუტინს ევროკავშირისთვის სანქციების მოხსნას სთხოვს

მსოფლიო - 16:10, 16 Jun, 2016

4232

საფრანგეთის ყოფილმა პრეზიდენტი ნიკოლა სარკოზი რუსეთის პრეზიდენტს მოუწოდებს ევროკავშირს სანქციები მოუხსნას. მისი თქმით თუ ამას პირველი რუსეთი გააკეთებს ევროკავშირი მის მაგალითს მიჰყვება. ამის შესახებ სარკოზიმ 16 ივნისს პეტერბურგის ეკონომიკური ფორუმის მიმდინარეობისას ისაუბრა.

სარკოზის განცხადებით, ის უახლოეს მომავალში ევროკომისიის პრეხიდენტს ჟან კლოდ იუნკერს შეხვდება და სწორედ მასთან განიხილავს ანტირუსული სანქციების გახანგრძლივების საკითხს.

„მე მას ვეტყვი, რაოდენი სიფრთხილეა საჭირო, სანქციების გახანგრძლივებასთან დაკავშირებით გადაწყვეტილების მიღებისას“- განაცხადა სარკოზიმ. მისი თქმით ამ დიპლომარტიურ ომში ჩაბმის გადაწყვეტილებამ ქვეყნები ერთმანეთს უფრო დააშორა და კრიზისი უფრო გააღრმავა.

„ვისურვებდი, რომ ბატონმა პუტინმა განაცხადოს თავის მხრივ სანქციების მოხსნის შესახებ და ჩვენ ევროპელები მის მაგალითს მივბაძავთ. ჩვენ ამის გარეშეც საკმაო ეკონომიკური პრობლემები გვაქვს“- აღნიშნა სარკოზიმ.

სანქტ-პეტერბურგის საერთაშორისო ეკონომიკური ფორუმი დღეს, 16 ივნისს გაიხსნა. ფორუმის გახსნამდე ერთი დღით ადრე ვლადიმირ პუტინსა და ნიკოლა სარკოზის შორის არაფორმალური ორმხრივი შეხვედრა გაიმართა.