სამხრეთ აფრიკაში , სასამართლოზე დასკვნითი სიტყვის წარმოთქმისას, პარაოლიმპიელმა ოსკარ პისტორიუსმა, რომელიც თავისი მეგობარი გოგონას მკვლელობაშია ბრალდებული ფეხის პროტეზები მოიხსნა და სასამართლოს წინაშე ისე წარსდგა . აღნიშნული ქმედება სპორტსმენს ადვოკატმა ურჩია, ამით სურდა ეჩვენებინა, რომ იარაღის გარეშე პისტორიუსი სრულიად დაუცველი იქნებოდა და ამან განაპირობა მისი ნაჩქარევი რეაქცია.

აღნიშნულ საქმეზე სასამართლო მეორედ იმართება პირველად საქმეს არაგანზრახ მკვლელობის კვალიფიკაცია მიენიჭა, რადგან პისტორიუსი აცხადებდა , რომ მას მეგობარი გოგონა სახლში შემოპარული მძარცველი ეგონა. პირველ ჯერზე მას ხუთი წლით პატიმრობა მიუსაჯეს. თუმცა მეორე მხარემ ეს განაჩენი გაასაჩივრა. ამჯერად ქვეყნის პროკურორი პარაოლიმპიური თამაშების ექვსგზის ჩემპიონს, ოსკარ პისტორიუსს, მეგობარი გოგონას რივა სტენკამპის განზრახ მკვლელობაში ადანაშაულებს. რაც 15 წლამდე პატიმრობას ითვალისწინებს.

ოსკარ პისტორიუსს, კი­დუ­რე­ბის თანდაყო­ლი­ლი დეფექ­ტის გა­მო, ჯერ კი­დევ 11 თვის ასაკ­ში, მუხლს ქვე­ვით ორი­ვე ფე­ხის ამ­პუ­ტა­ცია გაუ­კე­თეს. დამოუკიდებ­ლად გადა­ად­გი­ლე­ბის უნარს მოკ­ლე­ბულ ოს­კარს და­უმ­ზა­დეს სპე­ცი­ა­ლუ­რი პროთეზი, რომ­ლის მეშ­ვე­ო­ბით მან სიარუ­ლი და სირბილი შეძ­ლო. მერე მძლე­ოს­ნო­ბამ გა­ი­ტა­ცა, სარ­ბენ ბილი­კებ­ზე დაიწყო ვარ­ჯიში, მოგვიანებით კი საყოველთაო ყურადღების ცენტრში მოექცა, როგორც პირველი ამპუტანტი სპორტსმენი, რომელმაც ლონდონის ოლიმპიური თამაშებისთვის ნორმატივი შეასრულა და მასში ასპარეზობის უფლება მოიპოვა.

გარდა იმისა, რომ პარაოლიმპიურ თამაშებზე ექვსი ოქროს მედალი აქვს მოპოვებული, მის საჩემპიონო ყულაბაშია მსოფლიო ჩემპიონატის ვერცხლის მედალიც. მნიშვნელოვანია, რომ სამხრეთაფრიკელმა ვიცე-ჩემპიონობა იზეიმა ჩვეულებრივი მსოფლიო ჩემპიონატის 4X400 საესტაფეტო გარბენში.

სამხრეთ აფრიკელი მოდელი და მსახიობი რივა სტინკამპი ცნობილმა პარაოლიმპიელმა მორბენალმა, ოსკარ პისტორიუსმა 2013 წლის 14 თებერვალს მოკლა.