,,მე ზოგადად წინააღმდეგი ვარ ქრისტიანობის პრიმიტივიზმის და ასეთი პროცესები ხელისშემწყობია, რადგან ქრისტიანობა ბევრად მეტია, ვიდრე ამ პრობლემებზე გადაყოლა.

პრობლემა არ არის ID ბარათებში, მაგრამ ის მორწმუნე ნაწილი საზოგადოების, რომელიც ამასთან დაკავშირებით შიშებს გამოთქვამს, მე მათ ვუჩევდი მარტივ პოზიციაზე დგომას - ეს არის ეკლესიის ხმა, რომელსაც სამწუხაროდ ისინი არ უსმენენ.

რაც შეეხება ეკლესიურ აზრს, ის ითვალიწინებს კერძო აზრებსაც, მაგრამ საბოლოო ჯამში ის არის კრებსითი ხასიათის და ეს უკვე არის სინოდალური გადაწყვეტილება, რაც სამოციქულო ეკლესიას აქვს. ეს გადაწყვეტილება კი ჟღერს შემდეგნაირად, რომ ამ ბარათებში არანაირი საშიშროება არ არსებობს, აქ არ არის წარმოდგენილი არანაირი ანტიქრისტეს ბეჭედი, მაგრამ ეს არის ერთი მხარე, თეოლოგიური მომენტი და არის ეკლესიის კრებსითი აზრი, მაგრამ მეორე მომენტი არის ლიბერალური მიდგომა, თუმცა სიტყვა ლიბერალურმა ცოტა სხვა აზრი შეიძინა ჩვენში, ანუ ნებისმიერ ადამიანს აქვს უფლება, ჰქონდეს თავისი აზრი, თუნდაც აბსურდული, მაგრამ სამოქალაქო საზოგადოება, რომელსაც ჩვენ ვაშენებთ, დეკლარირებულად, მაგრამ მაინც და სახელმწიფო, რომელიც მიისწრაფვის ამ ღირებულებისკენ, ვალდებულია გაითვალისწინოს ამ საზოგადოების თუნდაც აბსურდული მიდგომები და დაიცვას კიდეც.

თუკი ამ კუთხით შევხედავთ, ამ ხალხის მიდგომა არ არის პრობლემა, ის, რომ მათ არ ჰქონდეთ სურვილი აიღონ ამგვარი ბარათები. ამგვარი გამოსვლები იყო ევროპის ქვეყნებშიც იგივე დიდ ბრიტანეთშიც, მაგრამ იქ არ იყო რელიგიური მოტივი, იქ იყო სამოქალაქო მიდგომები და პროტესტი ტოტალური კონტროლის წინააღმდეგ, როგორც ეს ეგონათ მოქალაქეებს. ეს ჩვენი, ეკლესიის პრობლემაც არის, რომ მან ბოლომდე ვერ განმარტა სინოდის დადგენილება და ვერ მიიტანა ამ ადამიანების გულებამდე და გონებამდე. თუმცა მეორე პრობლემაც ახლავს ამას, რომ ჩვენ შეიძლება განგვემარტა, მაგრამ ისინი სამწუხაროდ მაინც თავის აზრზე დარჩებოდნენ", - განმარტა გადაცემა ,,დიალოგში" საუბრისას დეკანოზმა ლევან მათეშვილმა.