დამასკოში თვითმკვლელმა ტერორისტებმა თავი აიფეთქეს. ორი ტერაქტის შედეგად მინიმუმ 12 ადამიანი გარდაიცვალა. გავრცელებული ინფორმაციის თანახმად, მსხვერპლისა და დაჭრილების რაოდენობა შესაძლოა საგრძნობლად გაიზარდოს.

BBC-ს ცნობით, ოფიციალური დამასკოს მიერ გავრცელებული ინფორმაციის მიხედვით, ერთმა ტერორისტმა შაჰიდის ქამარი აამოქმედა, მეორე ასაფეთქებელი მოწყობილობა კი ავტომობილში იყო ჩამონტაჟებული. აფეთქებები დამასკოს ცენტრიდან 10 კილომეტრის მოშორებით მოხდა.

დაშავებულების შესახებ ზუსტი ინფორმაცია არ ვრცელდება, თუმცა, როგორც ცნობილია ამ დროისათვის 55 ადამიანია გადაყვანილი სამედიცინო დაწესებულებებში.