დანიელი ტურისტი ქალის გაუპატიურებისთვის, ხუთ ინდოელ მამაკაცს სამუდამო პატიმრობა მიესაჯა

მსოფლიო - 18:02, 10 Jun, 2016

7376

დელის სასამართლომ , 52 წლის დანიელი ტურისტი ქალის გაუპატიურებისთვის, ხუთ ინდოელ მამაკაცს სამუდამო პატიმრობა მიუსაჯა.

როგორც „ბიბისი“ იტყობინება, შემთხვევა 2014 წლის იანვარში მოხდა. აღნიშნულ საქმეზე სულ ცხრა ადამიანი იყო დაკავებული, მათ შორის სამი არასრულწლოვანი. ერთ-ერთი დაკავებული განაჩენის გამოტანამდე გარდაიცვალა, არასრულწლოვანების საქმეს კი სასამართლო ცალკე განიხილავს.

2014 წელს, დანიელ ტურისტს ინდოეთის ტურისტულ რაიონში ფახარგნჯში, სასტუმროსკენ მიმავალი გზა აერია და დასახმარებლად მამაკაცებს მიმართა, რომლებმაც ის გაძარცვეს და გააუპატიურეს, თან დანით ემუქრებოდნენ.

პოლიციაში ქალმა დანიის ელჩის თანდასწრებით მოძალადეების გარეგნობა დეტალურად აღწერა, მოგვიანებით კი ქვეყანა დატოვა.

დამნაშავეები მალევე დააკავეს.

ხუთივე მსჯვარდებულს განაჩენის გასაჩივრება სასამართლოს უმაღლეს ინსტანციაში შეუძლიათ.

მას შემდეგ რაც, 2012 წელს დელიში ავტობუსში სტუდენტი გოგონა გაუპატიურეს , შემდეგ კი მოკლეს, სექსუალური დანაშაულისთვის სასჯელის გამკაცრების მოთხოვნით მასობრივი საპროტესტო გამოსვლები გაიმართა.

თუმცა, მიუხედავად ამისა, უფლებადამცველი აცხადებენ, რომ ნდოეთში სექსუალური დანაშაულის სტატისტიკა კვლავაც საგანგაშოა.