ისტორიაში პირველად "მის აშშ-ის" ტიტული სამხედრო მოსამსახურემ მოიგო (ფოტოკოლაჟი)

ეს საინტერესოა - 10:44, 06 Jun, 2016

5380

აშშ-ის სილამაზის კონკურსის ისტორიაში პირველად სამხედრო მოსამსახურე ქალმა გაიმარჯვა. "მის აშშ" 26 წლის ფერადკანიანი სამხედრო დეშონა ბარბერი გახდა.

“როგორც ქალი, რომელიც აშშ-ის არმიაში მსახურობს ვფიქრობ, რომ ჩვენ არ ვართ მამაკაცებზე ნაკლებად ამტანები. აშშ-ში სქესი ჩვენს შესაძლებლობებს არ ზღუდავს” - განაცხადა დეშონამ.

ლეიტენანტ დეშონა ბარბერის განცხადებით, ის აპირებს, რომ კონკურსში გამარჯვება ვეტერანების პრობლემებისადმი საზოგადოებისა და ხელისუფლების ყურადღების მისაქცევად გამოიყენოს.

მისი თქმით, ხანგრძლივი შვებულების აღებას აპირებს, რათა სრულფასოვნად შეასრულოს ის მოვალეობები, რომლებიც "მის ამერიკის" ტიტულის მოგების შედეგად დაეკისრა. დეშონას თქმოთ, ამის შესახებ ხელმღძვანელობას უკვე დაელაპარაკა.

დეშონა ბარბერი კოლუმბიის ოლქის სილამაზის კონკურსის გამარჯვებულიც არის. მან ბიზნეს-მენეჯმენტის სპეციალობით ვირჯინიის უნივერსიტეტი დაამთავრა, თუმცა მოგვიანებით გადაწყვიტა მამის კვალს გაჰყილოდა და აშშ-ის სახმელეთო ძალებში გაწევრიანდა.

"მის აშშ-ის" ტიტულის მფლობელი დეშონა ბარბერი თავის ქვეყანას კონკურსზე “მის სამყარო” წარადგენს.