მუჰამედ ალი ერთადერთი ადამიანია, რომლის ვარსკვლავი დიდების ხეივანში კედელზეა(ფოტო)

ეს საინტერესოა - 18:13, 04 Jun, 2016

8686

2002 წელს კრივის ლეგენდას, მუჰამედ ალის ჰოლვიდის დიდების ხეივანში ვარსკვლავი გაუხსნეს, თუმცა მისი ვარსკვლავი სხვა დანარჩენებისგან განსხვავდება.

მუჰამედ ალის ვარსკვლავი კედელზეა, დიდების ხეივანში „კოდაკ თეატრის“ გასართობი კომპლექსის კედელზე.

მიზეზი, თავად ლეგენდის სურვილი იყო. მაშინ, 59 წლის მოკრივემ განაცხადა, რომ მას არ სურდა მის ვარსკვლავზე გაევლო ისეთ ადამიანს, რომელიც პატივს არ სცემდა.

„მე ვატარებ ჩვენი საყვარელი წინასწრმეტყველის სახელს(მუჰამედი) და შეუძლებელია, ხალხს უბრალოდ მისი გათელვის უფლება მივცე“ - განაცხადა ალიმ.

მისი განცხადების შემდეგ, კომიტეტმა იმსჯელა და გადაწყვიტა, რომ კრივი, როგორც ცოცხალი შესრულება, გასართობი ინდუსტრიის ნაწილია, ამიტომაც დაიკავა ალის ვარსკლავმა ადგილი თეატრის კედელზე.

ალი ერთადერთი ვარსკვლავია, რომლის სახელი არა იატაკზე, არამედ კედელზეა.

ჰოლივუდის დიდების ხეივანი, ლოს-ანჯელესში, კალიფორნიაში მდებარეობს, რომელიც მოიცავს 2 5000-ზე მეტი ხუთქიმიანი ვარსკვლავს, რომლებზედაც ამოტვიფრულია არა მხოლოდ სახელგანთქმულ ადამიანთა სახელები, არამედ შეთხზული გმირებისაც, რომლებიც გასართობ ინდუსტრიაში თავიანთი წვლილის გამო აღიარებულნი არიან ჰოლივუდის კომერციული პალატის მიერ.

კრივის ლეგენდა, მუჰამედ ალი დღეს 74 წლის ასაკში გარდაიცვალა.
ინფორმაცია ოჯახის აგენტმა გაავრცელა.

მისი თქმით, ალი არიზონას შტატის ერთ-ერთ საავადმყოფოში გარდაიცვალა, სადაც გუშინ დილით მოათვსევე.
მოკრივე 32 წელი ებრძოდა პარკინსონის დაავადებას.

ალის ნამდვილი სახელი და გვარია კასიუს კლეი. სახელი ისლამის მიღების შემდეგ გამოიცვალა.ალი იყო 1960 წლის ოლიმპიური თამაშების ჩემპიონი ნახევრადმძიმე წონაში. მძიმე წონაში პროფესიონალთა შორის მრავალგზის ჩემპიონი (1964-1974).