ფიფა-ს მიერ გავრცელებულ განცხადებაში ნათქვამია, რომ არსებობს სამხილები, რომლებიც ამტკიცებს, რომ ერთმანეთთან შეთანხმებით, ხელფასების გაზრდისა და პრემიების გამოწერით სამი ყოფილი მაღალჩინოსანი გამდიდრებას ცდილობდა.
სამხილებს ფიფა შვეიცარიის პროკურატურას და აშშ-ის იუსტიციის დეპარტამენტს გადასცემს.
დღეს, შვეიცარიის პროკურატურამ ციურიხში ფიფას შტაბბინაში ჩხრეკა ჩაატარა და გარკვეული დოკუმენტებიც ამოიღო.
ფიფა-ში კორუფციული სკანდალი გასული წლის მაისში დაიწყო. შვეიცარიელმა სამართალდამცველემა აშშ-ის მოთხოვნით კორუფციის ბრალდებით ორგანიზაციის რამდენიმე მაღალჩინოსანი დააკავეს.
სკანდალის ფონზე თანამდებობა დატოვა ფიფა-ს ხელმძღვანელმა ზეპ ბლატერმა. იოზეფ ბლატერი სააფეხბურთო საქმიანობას 6 წლით ჩამოაშორეს. 2016 წლის თებერვალში მის შემცვლელად ჯანი ინფანტინო აირჩიეს.
მასალის გამოყენების პირობები






